የዘንድሮ 2017 ዓ/ም የጥምቀት በዓል እንደወትሮው በኖርዌይ ውስጥ በሚገኙ ትላልቅ አድባራት ማለትም
– የበርገን መንበረ ልዑል ቅዱስ ሚካኤል ቤ/ክ
– የስታቫንገር ደብረ ገነት መድሃኔ አለም ወኪዳነ ምህረት ቤ/ክ
– የኦስሎ ማህደረስብሃት ቅድስት ልደታ ለማርያም ቤ/ክ
– የክርስቲያንሳንድ ደብረ ጽዮን ቅድስት ማርያም ቤ/ክ
-የትሮንድሐይም ምስራቀ ጸሃይ ቅዱስ ጊዮርጊስ ቤ/ክ ታቦታት በጋራ በተሳተፉበት በበርገን መንበረ ልዑል ቅዱስ ሚካኤል ቤ/ክ አዘጋጅነት በበርገን ከተማ (Vilhelm Bjerknes vei 24, 5081 Bergen) ቅዳሜና ዕሑድ ጥር 10 እና 11 ቀን 2017 ዓ/ም (18. og 19. januar 2025) በታላቅ ድምቀት ተከብሮ ይውላል።

“የእግዚአብሔር መልአክ በሚፈሩት ሰዎች ዙሪያ ይሰፍራል፥ ያድናቸውማል።” መዝ. 33፡7
የዘንድሮው የታህሳስ ወር የሊቀ መላዕክት የቅዱስ ገብርኤል ዓመታዊ ክብረ በዓል በቤተ ክርስቲያናችን ቅዳሜ ታህሳስ 19 ቀን (28. desember 2024) ከዋዜማው ከሌሊቱ 01፡00 ሰዓት ጀምሮ በማህሌት፣ በዝማሬ፣ በስብከተ ወንጌል፣ በቅዳሴና በታቦተ ንግስ በደማቅ ሁኔታ ተከብሮ ይውላል። በዕለቱም የቤተ ክርስቲያኒቱ የ5 ዓመት (2025 – 2030) መሪ ዕቀድ ለምዕመናንና ምዕመናት ቀርቦ ይጸድቃል።
በኦስሎና አካባቢው የምትገኙ ምዕመናንና ምዕመናት በተጠቀሰው ቦታና ሰዓት ተገኝታችሁ በዓሉን በድምቀት በማክበር የበረከቱ ተሳታፊ እንድትሆኑ የደብሩ የሰባካ መንፈሳዊ አስተዳደር በማክበር ይጋብዛል።

የማሀደረ ስብሃት ቅድስት ልደታ ለማርያም ቤ/ክ ከ 2025 – 2030 የአምስት ዓመት መሪ ዕቅድ የተዘጋጀውን ረቂቅ ማብራሪያ በመስጠት ከቤተ ክርስቲያኒቱ ምዕመናን እና ምዕመናት ጋር በዛሬ ዕለት ዕሑድ ጥቅምት 10 ቀን ከሰንበት ቀዳሴ ሥነ ስርዓት በኋላ ዉይይት ተደርጓል፡፡ በዚሁም መሰረት የተለያዩ ጥያቄዎች ተነስተው መልስ የተሰጠባቸው ሲሆን ለመሪ ዕቅዱ እንደግብአት የሚጠቅሙ ሃሳቦችም ተሰንዝረዋል።

“በቸርነትህ ዓመትን ታቀዳጃለህ፥ ምድረ በዳውም ስብን ይጠግባል” መዝ – ምዕራፍ 65:11
አዲሱ ዘመን የሰላም የጤና የንስሀ እንዲሆንላችሁ እየተመኘን አዲሱን ዘመን በማስመልከት በዕለቱ ረቡዕ መስከረም 1 ቀን ከቀኑ 12፡00 ሰዓት ጀምሮ በቅዳሴ እና በዝማሬ እንዲሁም በትምህርተ ወንጌል በደብራችን በማህደረ ስብሐት ቅድስት ልደታ ለማርያም ይከበራል።
በኦስሎና አካባቢዋ የምትገኙ ምዕመናንና መዕመናት በቦታው በመገኘት የበረከቱ ተሳታፊ እንድትሆኑ የደብሩ ሰበካ መንፈሳዊ አስተዳደር ጉባኤ ጽህፈት ቤት በማክበር ይጋብዛል።

በኢትዮጵያ ዘመን አቆጣጠር የኢትዮጵያ ሊቃውንት ጷጉሜን የወር ተጨማሪ ሳይሆን የዓመት ተጨማሪ በማድረግ ወሮቹን 30 ቀን፣ የዓመቱንም ቀን ቁጥር ደግሞ ሦስት መቶ ስድሳ አምስት ቀን አድርገው ሰይመውታል፡፡ ጷጉሜን የሚለው ስያሜዋ “ኤፓጉሜኔ” ከሚለው የግሪክ ቃል የመጣ ሲሆን “ኤፓጉሜኔ” ማለት ጭማሪ ማለት ነው ፡፡ በግእዝ ቋንቋችን ተውሳክ ማለት ነው፡፡ ተውሳክ ማለት ተጨማሪ ማለት ነው፡፡
በቅድስት ቤተክርስቲያን ካሉት ሁለት የፈቃድ አጽዋማት መካከል አንዱ በዚህ በጷጉሜ ወር የምንጾመው የፈቃድ ጾም ነው፡፡ ይህም ጾመ ዮዲት በመባል ይታወቃል፡፡ የዮዲት ጾም የሚባለውም እርሷ ስለ ጾመችው ነው፡፡